JARO, ILOILO CITY – Nagakahangawa ang mga residente nga naga-istar malapit sa floodway sa Brgy. Buhang, Jaro, Iloilo City sa posible nga pag-awas sang tubig-baha bangud sa pagbubo sang mamunog nga ulan.
Sa interview sang Bombo Radyo kay Milo Magcanam, isa sa mga residente kag responder, iya ginpahayag nga makapila siya nga magbalik sa floodway agud lantawon ang kataason sang tubig-baha.
Suno kay Magcanam, mahimo nga maglapaw ang tubig sa floodway kun magpadayon ang pagbubo sang mamunog nga ulan.
Ginpahayag ni Magcanam nga mangin peligroso para sa ila nga mga residente sa tion nga maglab-ot sa critical level ang tubig.
