ILOILO CITY – Masobra sa 200 ka COVID-19 cases ang nagdugang sa listahan sa bug-os nga Western Visayas.
As of October 28, nagsaka sa 16,181 ang kabug-usan nga kaso kun sa diin 3,059 ang active cases.
Magluwas diri, nadugangan man sang 139 ang numero sang mga pasyente nga nag-ayo kun sa diin ang total recoveries ang naglab-ot na sa 12,747 samtang isa naman ang nagdugang sa total deaths nga sa subong nagsaka na sa 375.
Sa 223 ka COVID-19 cases, 112 ang gikan sa Negros Occidental, 55 sa Iloilo, 37 sa Capiz, 16 sa Iloilo City kag 2 sa Guimaras.
Sa subong, ang Aklan ang may 146 ka total COVID-19 cases, Antique nga may 70, Capiz nga may 795, Guimaras nga may 169, Iloilo nga may 1,946, Negros Occidental nga may 4,398, Bacolod City nga may 4,750 kag Iloilo City nga may 3,907.
