ILOILO – Natalana nga umpisahan subong, Nobyembre 15, ang pagpakay-o sang mga gubaon nga dalan nga ginareklamo sang mga residente sa mga barangay sa Dueñas, Iloilo.
Sa interview sang Bombo Radyo kay Acting Provincial Engineer Romeo Andig, iya ginpahayag nga ginmaduan sila nga kinahanglan i-maintain ang provincial road kag solusyunan ang gubaon nga dalan.
Suno kay Andig, nagpasalamat naman sila sa mga Quarry operators sa pagsinapol bangud sa pagpahanugot sang mga aggregated materials kag dugang nga mga trucks nga gamiton sa pagkay-o sang mga dalanon.
Pahayag sang natungdan nga pulihan anay sang mga dam trucks kag tambakan sang mga balas ang mga gubaon nga dalanon agud mapadasig ang repair sini.
Dugang pa sang acting engineer nga kun indi pa matapos ang repair kag maintenance sa mga dalanon, indi anay mag-operate ang mga quarry operators.
