Ginkumpirma ni Senator Bong Go nga mabisita sila ni Presidente Rodrigo Duterte subong nga adlaw sa Cagayan para maghatag sang bulig kag agud matukiban ang sitwasyon kag mga kinahanglanon sang mga pumuluyo nga naapektuhan sa lugar.
Suno kay Senator Go, tanan nga assets sang gobyerno ang naka-mobilize para magresponde sa mga naapektuhan sang bagyo kag mga nagapangayo sang bulig.
Pahayag ni Go, padayon ang pagpatigayon sang rescue and response operations kag pagpanghatag sang mga pagkaon kag iban pa nga bulig sa Cagayan kag iban pa nga apektado nga lugar.
Dugang pa sang senador nga padayon sa paglibot kag pagdala sang gilayon nga bulig ang iya opisina sa mga ginlaslas nga lugar lakip na ang Catanduanes, Albay, Bicol, southern Luzon, National Capital Region kag northern Luzon.
