ILOILO CITY – Suportado sang pamilya Tupas sa syudad kag probinsya sang Iloilo ang Uswag Partylist ni Iloilo City Mayor Jerry Treñas.
Sa interview sang Bombo Radyo kay anay Iloilo City Councilor Nielex ‘Lex’ Tupas, iya ginpahayag nga bukas man siya kag ang iya nga asawa nga si Iloilo City Councilor Dr. Candice Tupas nga mangin kabahin sang nasambit nga partylist.
Suno kay Tupas, una na nga natanyagan sang isa ka slot sa idalom sang Uswag Partylist ang iya utod nga si Iloilo 5th District Rep. Raul ‘Boboy’ Tupas.
Pahayag sang natungdan, indi magbuka ang ila nga pamilya gani suportahan nila ang isa kag isa.
“Ang pamilya Tupas…ilabi na sa syudad sang Iloilo…We are one. Meaning, kun diin ang isa, dira man ang isa.”
Ginpahayag pa sang anay konsehal nga bangud natapos na niya ang tatlo kag termino sa konseho, handa siya magdalagan para sa mas mataas nga posisyon.
Ginkumpirma man sang natungdan nga kahapon, Nobyembre 25, nakabisita siya sa balay sang iya maninoy nga si Mayor Treñas kag kay First Lady Rosalie Treñas kag kapin duha ka oras ang ila nga istorya.
Madamo sang naistoryahan suno sa natungdan apang wala man niya gindetalye pa ang natuhoy sa pulitika.
Yari ang Facebook post sang anay konsehal.
“I had a very productive almost 2 hour discussion about life, art, Iloilo City, family, programs and projects as well as other important matters with Maninoy Iloilo City Mayor Jerry Treñas. It was also great to see again Maninay Iloilo City First Lady Rosalie Trenas and hear about her projects for her home and for Iloilo City. Thanks Maninoy Jerry for being very warm and hospitable as he personally toured me around his beautiful house just like what he did when he invited me to visit him at his Iloilo City Hall Office a few months ago. Thanks Maninoy Jerry and Maninay Rosalie for being good to me and Dr. Candice Tupas. UGYON kita sa padayon nga pagUSWAG kag pagASENSO sang Syudad sang Iloilo. LEX do it. We CAN do DICE. LEX level up together.”
