Ginpasugtan sang COVID-19 task force ang pagsulod sa Pilipinas sang mga foreign spouses kag mga kabataan sang mga Filipino citizen umpisa sa masunod nga bulan.
Suno kay presidential spokesman Atty. Harry Roque, ang nasambit nga desisyon ang ginhimo sang Inter Agency Task Force for the Management of Emerging Infectious Diseases.
“Also permitted is the entry of former Filipino citizens, including their spouses and children, regardless of age, who are traveling with them,” pahayag ni Roque.
Gin-athag man ni Roque nga wala sang age restrictions nga ipatuman sa pagpadulong sa Pilipinas sang mga natungdan.
Ginmanduan naman sang Inter Agency Task Force ang Bureau of Immigration nga maghimo sang pagsulundan agud masigurado nga matalunsay ang pagpatuman sang polisa.
Samtang ang Department of Tourism naman ang ginamanduan nga maghimo sang pagsulundan sa probinsyon sang nagakaigo nga akomodasyon sang nasambit nga mga persona kag mapasigurado nga makapakita ang mga ini sang insakto nga COVID-19 test results.
