ILOILO – Natapos na sang Committee on Appropriation sa Sangguniang Panlalawigan ang tatlo ka adlaw nga deliberation sang 2021 provincial budget sang Iloilo.
Ang executive budget ang naglab-ot sa masobra P4.3 billion.
Sa idalom sini amo ang General Fund nga may yara sang kabug-usan nga P3,234,509,176.00.
Lakip sa General Fund amo ang:
Personal Services – P951,312,523.00
Maintenance and Other Operating Expenses – P1,055,839,460.00
Special Purpose Lump Sum Appropriations – P1,227,357,193
Samtang, sa Local Econonomic Enterprise kun sa diin napaidalom ang hospital operations sa 12 district hospitals kag 1 provincial hospital, may yara naman sang proposed budget nga P1,151,594,721.00.
Sa interview sang Bombo Radyo kay Iloilo 4th District Board Member Domingo Oso Jr, chairman sang Committee on Appropriations, iya ginpahayag nga ipasa na ang committee report sa masunod nga session nga ginalauman nga matabo sa Disyembre 12.
Mas madasig ang deliberasyon subong nga tuig ipaanggid sang 2019 suno kay Oso agud makapasakop liwat ang probinsya sa Seal Of Good Local Governance sang Department of the Interior and Local Government (DILG).
