1,500 lang ka inbound passengers sakay sa international flights ang pahanugutan sa Ninoy Aquino International Airport kada adlaw umpisa sa Marso 18.
Ini ang gin-anunsyo sang Civil Aeronautics Board (CAB) sa tunga sang padayon nga pagtimbuok sang COVID-19 cases sa Pilipinas.
Ang limitasyon nga gin-set sa inbound travels ang magalawig tubtob sa Abril 18, 2021.
Santo sa advisory nga gin-isyu sang CAB, gina-abisuhan man ang mga airlines nga magcomply sa mga pagsulundan sang Bureau of Immigration.
Kun indi masunod ang mga direktiba sang Bureau of Immigration may kaangtanan sa inbound travelers, ipatuman ang nagakaigu nga penalidad santo sa measures nga gin-isyu sang CAB, Manila International Airport Authority, Clark International Airport Authority, kag Civil Aviation Authority of the Philippines.
