Procurement sang syudad sang 13 ka pick-up trucks, may approval halin sa DILG central office — City DILG

ILOILO CITY – Kumpleto ang mga dokumento sang Iloilo City Government sa pag-procure sang kontrobersyal nga 13 ka units sang 4×2 Mitsubishi Strada pick-up trucks.

Sa interview sang Bombo Radyo kay Mr. Oscar Lim, pinuno sang Department of the Interior and Local Govenment – Iloilo City, iya ginpahayag nga nag-agi sa husto nga proseso ang mga papeles kag naghatag sang approval ukon authority ang central office sang DILG para sa procurement.

Suno kay Lim, Pebrero na subong nga tuig sang nag-abot sa syudad ang approval halin sa central office.

Nahibaluan nga P14.4 million ang budget sang Iloilo City Government sa amo nga mga salakyan nga ginkuha sa Capital Outlay Fund sa idalom sang Iloilo City Mayor’s Office.

Suno kay Lim, ang kwarta ang ginkuha pa sa pondo nga iya sang nagligad nga tuig.