Masapakan mo man bala ang mga nagabukadkad nga mga bulak bisan diin lamang?
Subong nga bulan kilala ang Flores de Mayo sa diin masami naton nga makit-an ang bantog nga bulak sa aton ugsaran nga amo ang Bougainvillea Flowers.
Samtang madamo ang nagadayaw sa simple kag matahom nga Bougainvillea Flowers, ginadayaw na man sang mga eksperto sa medikal ang ini nga sahi sang bulak bangud madamo nga balatian ang mapaayo sini.
Suno kay Dr. Michelle Heben, internal medicine specialist sa Ann Arbor, Michigan, ang components sang Bougainvillea Flowers ang may yara sang natural body detoxifier nga makapatinlo kag makabulig kakas sang toxins sa lawas sang tawo nga masami makuha sa unhealthy nga diet kag polusyon sa palibot.
Ang nasambit nga bulak ang may yara man sang antiseptic property sa diin pwede ini gamiton bilang facial cleanser bangud nagapalikaw ini sa acne ukon punggod.
Indi man magkabalaka ang mga tawo nga may mataas nga acid bangud ang pag-inom naman sang tea nga himo sa Bougainvillea Flowers, ang makapabuhin sang high acidity sa tyan.
Ang amo nga bulak ang manggaranon man sa anti-inflammatory agents nga nagapaayo sa joint pain kaangay sang sakit sa tuhod.
Magluwas diri suno kay Dr. Heben, ang flower petals sang bougainvillea ang makapaayo man sang mga masunod:
- Menstrual pain;
- Ulcer; kag
- low blood pressure
