ILOILO CITY – Masobra pulo ka tuig na nga nagatrabaho sa Local Economic Enterprise Office (LEEO) si Rene Millan, ang nadakpan sa drug buy bust operation sang Philippine Drug Enforcement Agency (PDEA) Region VI sa Jaro Big Market sa Brgy Desamparados, Jaro, Iloilo City.
Nakuhaan si Millan sang anum ka sachet sang sucpected shabu kag P1,500 nga buybust money.
Sa interview sang Bombo Radyo kay Maricel Mabaquiao, pinuno sang LEEO, iya ginpahayag nga job hire employee si Millan halin sang 2009.
Sa subong sweeper si Millan kag assigned sa Jaro Big Market.
Ginapahayag nga wala ini sang negatibo nga rekord sa iya nga trabaho halin sang una tubtob subong.
Magapangatubang ang arestado sang kaso bangud sa paglapas sa Comprehensive Dangerous Drugs Act of 2002.
Una naman nga ginpanginwala ni Millan nga iya ang recovered items bangud suno sa iya, lunsay lang ini planted bangud ginapahayag nga on-duty siya kag nagaula gid sang basura apang may ginpilit lang sulod sa iya nga bulsa.
Sa interview sang Bombo Radyo kay Jeanette Reyes, PDEA agent, iya ginpahayag nga downline si Millan sang isa ka top city target nga una na nadakpan sang Enero 2021.
Ginapahayag duha ka semana nga gin-monitor ang subject antes nadakpan.
Ginapahayag man nga naga-distribute ini sang droga sa Iloilo City Proper kag sa distrito sang Jaro.
