Napaslawan ang Filipino pole vaulter nga si Ernest John ‘EJ’ Uy Obiena sa finals sang men’s pole vault sa Tokyo Olympics.
Sa umpisa sang hampang, nangin mahapos kay Obiena ang pag-clear sang 5.55 meters sa una nga attempt.
Na-clear naman ni Obiena ang 5.70 meters sa iya ikatatlo nga attempt gani nagbaskog ang paglaum sang pungsod nga makuha ang ikaduha nga medalya.
Apang natapos ang kampanya sang 25 anyos nga atleta sa Olympiada sa iya third foul sa 5.80 meters.
Apisar sini, nagbubo ang pagdayaw kay Obiena bangud sa iya effort matapos nakaupod sa finals sanday world record kag new pole vault Olympic gold medalist nga si Mondo Duplantis sang Sweden kag Rio Olympics gold medalist Thiago Braz nga amo ang training partner sang Pinoy Vaulter.
