Nagapati ka man bala sa mga tinaga nga ‘too much love will kill you?’
Sa Diourbel, Senegal, may isa ka lalaki nga gin-aresto matapos nagpakuno-kuno nga babaye agud mapasar ang graduation exam sang iya kahagugma.
Siya amo si Khadim Mboup, 22, kag estudyante sang Gaston Berger de Saint-Louis University, kun sa diin man naga-eskwela ang iya 19 anyos nga girlfriend.
Sa sulod sang tatlo ka-adlaw, nagsuksok si Khadim sang long-hair wig, traditional scarf, mga aritos, dress, bra kag face makeup.
Sa tunga sang iya pagpakuno-kuno bilang girlfriend niya, na-notisyaran sang isa sa mga supervisor sa tion sang exam nga may naglain sa iya estudyante kag didto na natukiban ang gimik sang magkahagugma.
Sa ulihe, nag-ako ang lalaki nga nahimo niya ini bangud sa paghigugma kag bangud nabudlayan ang iya girlfriend sa English language.
Apang napaslawan ang couple nga makumbinse ang mga otoridad rason nga ginban sila sa eskwelahan sa sulod sang lima ka-tuig kag posible man nga mapreso sa sulod sang isa tubtob lima ka-tuig.
