Extended tubtub sa Agusto 26 ang tagtaganay sang special Assistance to Individuals in Crisis Situation (AICS) cash aid sa syudad sang Iloilo.
Sa interview sang Bombo Radyo kay Teresa Gelogo, head sang City Social Welfare and Development Office (CSWDO), iya ginpahayag nga 102 na subong ka mga barangay ang nahatagan sang ayuda.
Ginapasalig sang CSWDO nga maubos tagtag ang ayuda antes pa man ang Agusto 26.
Kun pahat-pahaton ang 102 nga nahatagan sang cash assistance:
- 9 na out of 13 ka barangays sa Arevalo
- 26 out of 45 barangays sa Iloilo City Proper
- 10 out of 18 barangays sa Mandurriao
- 12 out of 25 barangays sa Molo
- 3 out of 37 barangays sa Lapaz kag Lapuz
- 4 out of 42 barangays sa Jaro
Suno kay Gelogo, magatutok ang distribution sa Jaro kag Lapaz sa masunod nga mga inadlaw.
Matandaan nga Hulyo 30 pa sang gin-download sang Department of Social Welfare and Development (DSWD) ang pondo sa Iloilo City Government.
Agusto 4 sang nagsugod sa payout ang CSWDO kag Agusto 14 kuntani ang deadline agud matapos ang releasing.
Sa Agusto 16, ma-isa na ka bulan ang Enhanced Community Quarantine (ECQ) sa Iloilo City.
