Ginbawian gid sang kabuhi ang isa ka manugpangisda matapos naigu sang kilat samtang nagasakay sa iya nga motorbanca sa baybayon sang Barangay Talisay, Barotac Nuevo, Iloilo.
Sunog ang lawas sang biktima nga si Jomar Gutierrez, 40.
Sa interview sang Bombo Radyo kay Pol. Lt. Johnny Oro, hepe sang Barotac Nuevo Municipal Police Station, iya ginpahayag nga may itom man sa dughan sang biktima.
Nasunog man pati ang sakayang pandagat sang biktima.
Isa man ka manugpangisda ang nakasapo sa lawas ni Gutierrez.
Gindala pa sa ospital ang lawas sang biktima apang gindeklarar nga dead on arrival.
