Kapin tunga sa milyon sang US-made nga Moderna COVID-19 vaccines ang nag-abot sa Pilipinas subong nga adlaw, Agusto 15.
Sa 469,200 ka doses, 319,200 doses ang iya sang gobyerno, samtang ang 150,000 doses naman ang ginbakal sang private sector nga ginpangunahan sang International Container Terminal Services.
Suno kay Vaccine czar Secretary Carlito Galvez, Jr., nag-negosyar pa ang national government sa vaccine suppliers nga Moderna kag Pfizer agud mapat-od nga may bastante nga bakuna sa pungsod kada bulan.
Kun may bastante nga suplay suno kay Galvez, malab-ot ang target nga maka-administer sang 600,000 tubtub 700,000 shots kada adlaw.
As of press time, masobra na sa 27 million doses sang vaccines ang natublok sa mga residente sa Pilipinas. 12 million na sa sini ang fully vaccinated.
