Gin-lockdown ang opisina sang alkalde sang syudad sang Iloilo umpisa subong nga adlaw, Agusto 16 kasunod sang pagpositibo sa COVID-19 sang isa ka empleyado.
Sa interview sang Bombo Radyo kay Iloilo City Mayor Jerry Treñas, iya ginpahayag nga ginpaidalom na ang iya opisina sa disinfection kag napatigayon na ang contact tracing.
Suno kay Treñas, posible nga duha tubtob tatlo pa ka adlaw nga i-sirado ang iya talatapan samtang ginahulat ang resulta sang swab test sang mga natumod nga close contact sang pasyente.
Wala naman nadala ang alkalde sa una nga level sang contact tracing.
