Nakaabot na sa Pilipinas ang 35 ka mga Pinoy nga ginpang-evacuate halin sa ila tagsa ka kumpaniya nga ginatrabahuan sa Afghanistan.
Suno sa Department of Foreign Affairs (DFA), nagsakay ang mga evacuees sa chartered plane halin sa Doha, Qatar.
Ginpahayag naman ni Foreign Affairs Assistant Secretary Eduardo Meñez sang DFA Office of Public and Cultural Diplomacy (OPCD) nga “non-stop” ang ila operasyon agud mapat-od ang safety and welfare sang mga Pinoy sa tunga sang kinagamo sa Afghanistan.
Matandaan nga sang Domingo sang ginpasaka sang DFA ang Alert Level 4 ukon mandatory evacuation sa ginabanta 130 ka mga Filipinos sa amo nga pungsod.
