Ginpa-wow ni Miss Supranational Philippines Dindi Pajares ang mga pageant fans sa iya nga eksena sa red carpet sang Miss Supranational 2021 preliminary competition sa Poland.
Sa swimsuit segment, bida sa regal pasarella ni Dindi ang two-colored swimwear. Sa iya evening gown, ginsuksok niya ang flowy and sexy long gown.
Sang Lunes lang sang gin-anunsyo ni Dindi nga nadala siya sa 10 Miss Supranational 2021 candidates nga may pinakamataas nga online votes.
Magluwas sa Supra Fan Vote, nadala man si Dindi sa Top 10 sa Supra Influencer, isa man ka pre-pageant competition.
Kag…. nadala man ang Filipina beauty queen sa second round sang Supra Chat kun sa diin nahatagan tyansa ang mga candidates nga makasabat sang pamangkot ni reigning Miss Supranational Anntonia Porsild.
Target ni Dindi nga madala pauli ang ikaduha nga Miss Supranational crown para sa Pilipinas.
Patigayunon ang coronation night sa August 21.
