Buligan sang syudad sang Iloilo ang TANAN nga mga Ilonggo mechanical engineering graduates nga na-stranded sa syudad sang Cebu — taga-Iloilo City man sila ukon taga-probinsya.
Kahapon sang naghatag sang kumpirmasyon si Iloilo City Mayor Jerry Tre�as nga ginmanduan na niya ang Emergency Operations Center sang syudad nga makig-angot sa Cebu City Government.
Sa interview sang Bombo Radyo kay Jeck Conlu, spokesperson sang COVID-19 team, iya ginpahayag nga ‘sal-on sang syudad sang tanan nga strandees’ kun makapauli sila diri sa Iloilo kag diri lang ugaling istoryahan kun batunon sila sa ila tagsa ka banwa.
Sa 23 ka Ilonggo strandees sa amo nga syudad, ginapahayag 7 ang taga-syudad sang Iloilo.
Paagi sa Bombo Radyo Cebu, una naman nga nagpahayag ang Cebu City Government nga i-shoulder na nila ang re-swabbing sa mga strandees kag i-facilitate ang ila pagpauli sa kondisyon nga may Certificate of Acceptance lang halin sa Iloilo City.
Bwas, Agusto 21, natalana nga magatakop ang quarantine period sang strandees nga yara sa isolation facility.
Matandaan nga nagdangop sa Bombo Radyo ini nga mga Ilonggo mechanical engineering graduates bangud kapin isa na sila ka bulan nga nagatinir sa Cebu.
Makuha lang kuntani ang mga ini sang Licensure Examinations for Mechanical Engineers nga initially scheduled sang Agusto 15 kag 16, apang nakanselar ang exam, kag sang buot na nga magpauli, nagpositibo sa COVID-19 ang iban sa ila.
