ILOILO CITY- Ginkwestiyon ni AAMBIS- OWA Partylist Representative Sharon Garin ang manubo nga allocation sang national government sang COVID-19 vaccine para sa Iloilo.
Sa interview sang Bombo Radyo kay Representative Garin, iya ginpahayag nga kon basehan ang data halin sa Department of Health as of September 8,2021, yara pa lang sa 11.45% sa target nga 70% sang populasyon sang Iloilo ang kompleto nga nabakunahan.
Nagakahulugan ini nga sa kapin 1.8 nga target population, yara pa lang sa 204,000 ang nabakunahan sang duha ka doses.
Suno kay Garin, makatilingala nga manubo ang alokasyon para sa Iloilo sa pihak sang pila ka beses na nga ginpaidalom ini sa Enhanced Community Quarantine (ECQ) kag Modified Enhanced Community Quarantine (MECQ).
Dugang pa sang mamalidha,sa pagkamatuod, ginakabig ang Iloilo bilang isa sa riskiest kag isa lima ka probinsiya nga napaidalom sa MECQ subong nga bulan.
Base sa data, ang Iloilo ang may pinakamanubo nga vaccine coverage sa bilog nga Western Visayas.
