Magapangatubang sang sanctions ang Pilipinas kun indi mag-comply si Presidente Rodrigo Duterte sa imbestigyon sang International Criminal Court (ICC) sa pagpamatay nga nagakatabo sa war on drugs sang pungsod.
Suno kay anay Commission on Human Rights (CHR) chair Loretta “Etta” Rosales, indi makapalagyo ‘forever’ si Presidente Duterte.
Gin-anunsyar sang ICC sang tinalikdan nga adlaw nga ginbuksan na ang imbestigasyon sa drug war killings sa pungsod.
Apang padayon nga nagapanindugan ang Malacañang nga wala sang hurisdiksyon ang ICC sa Pilipinas.
Matandaan nga gin-withdraw ni Presidente Duterte ang Pilipinas nagikan sa Rome Statute sang Marso 17, 2019 kasunod sang mga reklamo nga ginpasaka batuk sa iya sa international tribunal.
Apang suno kay retired ICC judge Raul Pangalangan, gin-athag sang Rome Statute nga may yara sa gihapon sang hurisdiksyon ang ICC apisar nga nag-withdraw ang isa ka pungsod.
Mangin ang Korte Suprema ang nagpahayag nga obligado ang Pilipinas nga magkooperar sa imbestigasyon.
