May mga tawo nga tuman ka baskog ang immune system bangud masarangan sang mga ini nga magbugtaw apisar wala sang tinulugan ukon kulang sa tulog.
Sa pungsod Japan, makatilangala ang isa ka lalaki nga sa sulod sang isa ka dekada, 30 ka minutos lang ang tulog sini sa kada adlaw kag wala pa ginamasakit kag naga-angkon sang severe side-effects.
Siya amo si Daisuke Hori kag naga-edad 36 anyos.
Suno kay Hori, gin-train niya sang pila ka-tuig ang iya lawas kag utok nga mag-function bisan wala sang walo ka oras nga tinulagan.
Suno sa natungdan, bisan 30 ka minutos lang ang iya tulog kada adlaw sa sulod halos 12 na ka tuig, wala siya nagakabatyag sang kakapoy kag wala man siya naka-angkon sang sleep deprivation.
Si Hori ang nagaserbe nga chairman sang “Japan Short-sleeper Association” kag nagatudlo man siya iban, kun paano panubuan ang oras sa pagtulog agud nga mangin bastante ang tyempo sa pag-enjoy sang kabuhi.
