Kun ikaw magselebrar sang imo kaadlawan, nagapang-libre ka man bala sa imo mga abyan ukon ikaw ang nagapa-libre?
Sa syudad sang Valenzuela sa Manila, nagbubo ang pagdayaw sa isa ka tricycle driver nga nagtanyag sang libre nga sakay bilog nga adlaw, kadungan sang iya kaadlawan.
Santo sa panaysayon sang isa ka pasahero, papuli na siya sang nakasakay siya sa tricycle nga ginamaneho ni Rogelio Aguilar kag nakibot siya sa nagakabit nga placard sa tricycle kun sa diin nakasaad ang mga tinaga nga: “Free rides po tayo today. It’s my birthday celebration.”
Suno kay Marilou Llobera, pagpasalamat kag pag-greet sang ”happy birthday” na lang ang iya ginbayad kay Rogelio.
Pahayag naman ni Rogelio, masami niya ini nga ginahimo kun mag-birthday siya bilang pagpasalamat sa grasya sang Diyos kun sa diin luyag man niya makabulig sa iban nga tawo bisan sa gamay lang nga pamaagi.
