Nakabati ka man bala sang abiso sang mga katigulangan nga nagakadapat hibaluon mo ang imo worth ukon bili bilang tawo agud nga indi mo na ini pagpangitaon sa iban?
Sa Nigeria, nangin unod sang mga balita ang isa ka 26 anyos nga lalaki nga gin-aresto matapos gintanyag kag ginbutangan sang price tag ang iya kaugalingon.
Ginkulintas ni Aliyu Na Idris ang cardboard nga may nakasulat nga mga tinaga nga ”this man is for sale” samtang ginalibot ang bilog nga syudad sang Karo.
Nakahibalo ka bala kun pila ang tanyag niya sa iya kaugalingon? $50,000 ukon P2.5 Million!
Sang ginpamangkot siya sang mga otoridad kun ngaa nahimo niya ini, ginrason sang lalaki ang kapigaduhon nga amo ang nagtulod sa iya nga magpangita sang buyer agud baklon siya sa nasambit nga kantidad.
Plano niya kuntani nga ihatag ang kwarta sa iya ginikanan para sa adlaw-adlaw nila nga galastuhon.
