Nagapati ka man bala nga sa paghigugma, mas importante ang katahum sang tagipusuon kag batasan sang isa ka tawo kag bonus ukon paaman nalang ang mala-artista nga nawong kag supat?
Sa Egypt, ginkakibot gid sang isa ka bana sang makit-an ang nawong sang iya nga asawa nga wala na sang makeup kag bangud sa kadismaya, ginbulagan gid niya ang babaye.
Suno sa wala ginhangadlan nga lalaki, isa palang sila ka bulan nga kasal sang iya nga asawa.
Una sila nga nagkilalahay sa Facebook kun sa diin masami nga naga-post ang babaye sang iya attractive nga mga picture.
Pahayag sang lalaki, wala nagalubad ang katahum sang babaye gani nagdesisyon siya nga pakaslan ini.
Nag-umpisa lang ang problema sang magkahagugma sang aga mismo pagkatapos sang ila nga wedding night kun sa diin nakit-an sang lalaki ang iya bride nga wala sang makeup sa pinaka-una nga kahigayunan.
