Nakakita ka na bala sang mga bata nga mas tigulang pa ang hitsura ipaangid sa ila ginikanan?
Sa Jharkhand, India, ini ang natabo sa isa ka kapid nga nagasuprer sa balatian nga Cutis Laxa kag Progeria kun sa diin tigulang ang ila nga hitsura sa ila lamharon nga edad.
Ang kapid amo sanday Keshav kag Anjali Kumar, nga ginbansagan nga “Benjamin Button siblings” sang 2016.
Wala lang nagakurinot ang panit sang mag-utod kundi nagasuprer man ang mga ini sang pagpalanakit sang tuhod — kasubong mismo sang ginabatyag sang mga tigulang.
Sa subong, ‘incurable’ ukon wala sa gihapon sang bulong para sa pinasahi nga balatian sang kapid.
