“Leave now.”
Ini ang mensahe ni United of States (US) President Joe Biden sa mga American citizen nga yara subong sa Ukraine.
Ini ang kasunod sang nagataas nga tensyon sa tunga sang nasambit nga pungsod kag sang Russia.
“American citizens should leave, should leave now,” pahayag ni Biden.
“We’re dealing with one of the largest armies in the world. This is a very different situation and things could go crazy quickly,” dugang pa niya.
Miyembro sang North Atlantic Treaty Organization (NATO) ang Amerika, kun sa diin posible man nga mangin kabahin ang Ukraine — butang nga hugot nga ginabalabagan sang Russia.
Suno kay Biden, nakapuwesto na ang linibo nga tropa sang Russia malapit sa border sang Ukraine.
“That’s a world war. When Americans and Russians start shooting one another, we’re in a very different world.”
Sandig naman sa U.S. military kag intelligence assessment, posible nga maglunsyar ang Russian military sang full-scale invasion sa sulod sang 48 ka-oras sa Kyiv — ang capital sang Ukraine.
Sa pihak sini, nagapadayon ang pagtinguha sang Western leaders agud malikawan ang kinagamo kag masolbar ang problema sa diplomatiko nga pamaagi.
Ginakahangaw-an man ang posibilidad sang pagsaka sang tensyon bangud sa mensahe ni Biden sa iya mga kasimanwa nga maghalin na sa Ukraine.
“What I’m hoping is that if (Russian President Vladimir Putin) is foolish enough to go in, he’s smart enough not to in fact do anything that would negatively impact American citizens,” pahayag sang presidente sang Amerika.
Pahayag ni Biden, indi na niya dapat pagpahibal-on pa si Russian President Vladimir Putin bangud nagapati siya nga nahangpan na sini kun nga-a gina-warningan niya ang mga Amerikano nga magbiya na sa Ukraine.
