Nasapwan nga wala na sang pangalibotan ang isa ka babaye sa sulod sang CR sa isa ka grocery store sa distrito sang Jaro, pasado alas-8 sang aga, Nobyembre 6.
Sandig sa impormasyon nga nabaton sang Bombo Radyo Iloilo, nagsulod ining babaye nga ginabulubanta 40 pataas ang edaron, sa grocery store kaupod ang iya ginpahayag nga co-worker.
Nagsulod ini sa CR kag ginabanta 10 na ka minutos nga wala nakagwa.
Apang natingala ang isa ka costumer nga tuyo man mag CR kung ngaa naka-locked ang pirtahan .
Gintinguhaan sang management sang establisyeminto nga mabuksan ang CR kag sang nabuksan didto na nakita ang biktima nga wala na sang pangalibotan.
Ginaalegar nga na stroke ining biktima. Kag ginpahayag nga wala na ini sang pulso sa grocery store palang.
Gilayon man ini nga gindala sa Don Benito Hospital para sa naga kaigo nga pagbulong.
Sa karon, nagahulat pa sang dugang nga impormasyon nga tuhoy sa kahimtangan sang biktima.
Ang nasambit nga insidente wala na report sa Jaro police station.
Text by: Bombo Glenette Delit
