Nag-abot na ang American B-52 bombers sa Royal Air Force Fairford ukon RAF Fairford, isa ka Royal Air Force station sa Gloucestershire, England.
Gindungan ini nga deployment sa padayon nga pagsaka sang kahangawa nga madayon ang Russian invasion sa Ukraine ‘at any time’.
Ginpahayag nga ang pagpadala sang amo nga iconic aircraft ang kabahin na sang “long-planned” training mission sang Estados Unidos.
Apang kun basehan ang pagbutang sini nga mga B-52 bombers sa RAF Fairford sa Gloucestershire, ginapahayag nga visual reminder ini sa mga kontra sang NATO nga may bastante nga firepower ang US Air Force sa bilog nga Europa.
Ang B-52s ang kabahin sang Bomber Task Force kag maga-team up sa NATO allies samtang ginapadayon ang training missions.
Ang ini nga mga aircraft ang ginalauman nga magpabilin sa United Kingdom sa masunod nga tatlo ka semana — apang maga-depende sa sitwasyon sa Ukraine.
Sa subong, magaupod anay ang bombers sa joint exercises kaupod ang NATO allies kag partner nations.Kilala ang B-52s nga amo ang ginagamit sang Estados para sa ila nga strategic bomber force sa sulod na sang 60 ka tuig.
Yari ang description sa website sang US Air Force:
“The B-52H Stratofortress is a long-range, heavy bomber that can perform a variety of missions. The bomber is capable of flying at high subsonic speeds at altitudes of up to 50,000 feet (15,166.6 meters). It can carry nuclear or precision guided conventional ordnance with worldwide precision navigation capability. In a conventional conflict, the B-52 can perform strategic attack, close-air support, air interdiction, offensive counter-air and maritime operations.”
Una na nga nagpahayag ang Estados Unidos nga matabo ang Russian invasion sa Ukraine ‘at any time’.
Nag-umpisa na ang dalagku nga mga pungsod sa pag-abiso sa ila nga mga nationals nga yara sa Ukraine nga magbiya na sa labing-madali nga tion.
Nagpahayag naman ang Russia nga lunsay lang binutig ang ginapalapta sang Western countries kag wala sila sang plano nga sakupon ang Ukraine. ##
