Mas nagdamo pa ang mga pungsod nga asud-asud nga nagkondenar sa padayon nga pagpalupad sang North Korea sang ballistic missiles.
Lakip sa nagkondenar amo ang matag-as nga opisyal sang Japan, South Korea kag Estados Unidos.
Ginpangunahan ni US Secretary of State Antony Blinken ang meeting sa Honolulu, Hawaii nga gintambungan naman nanday South Korean Foreign Minister Chung Eui-yong kag Japanese Foreign Minister Hayashi Yoshimasa.
Gintawag sang mga top diplomats nga “destabilising” ang pito na ka mga indidente sang ballistic missile nga ginhimo sang North Korea.
Suno sa sini nga mga pungsod, dapat na nga untatan sang North Korea ang amo nga aktibidad kag sa baylo, mag-istoryanay na lang sila.
Padayon man ang mga lihok agud nga ma-denuclearize ang bilog nga Korean Peninsula, kag agud nga maka-dialogue na ang North Korea kag ang nasambit nga mga pungsod.
Halin sang administrasyon ni US President Joe Biden, wala naman sang nabatian nga sabat halin sa North Korea kun mapasugot sila sa istoryahanay.
Ang North Korea ang may yara sang malawig nga maragtas sang pag-garit garit sa iban nga mga pungsod paagi sa missile ukon nuclear tests agud nga makaganar sang international concessions. ##
