Indi mag-kumpirmar ang senior US officials sa report nga ginalantaw na sang US intelligence nga sudlon ukon i-invade sang Russia ang pungsod Ukraine sa Myerkules nga adlaw subong nga semana.
Apisar wala sang kumpirmasyon, ginpahayag naman sang Estados Unidos nga tinguhaan nila nga malikawan ang anuman nga “surprise attack” paagi sa pag-share kun ano ang ila nga mahibaluan sa mga plano sang Russia.
Mangin si Pentagon spokesperson John Kirby ang nagpahayag nga posible matabo ang Russian military action sa anuman nga adlaw bangud base sa sources kag base sa mismo literal nga makit-an sang mata, masobra na sa 100,000 troops sang Russia ang ginraya sa border sang Ukraine.
Ginsulit man ni White House National Security Adviser Jake Sullivan nga posible matabo ang Russian invasion anuman nga adlaw. Ginpasalig man sini liwat nga suportahan ni US President Joe Biden ang Ukraine kun may Russian invasion nga matabo kag depensahan man sang Estados Unidos ang teritoryo sang NATO ukon sang North Atlantic Treaty Organization.
Sa pamangkot kun san-o ang posible atake nga himuon sang Russia, ginpahayag ni Sullivan nga posible ini matabo antes matapos ang Winter Olympics sa Beijing, China nga naka-schedule nga magtakop sa Pebrero 20.
Suno kay Sullivan, protektahan sang Estados Unidos ang “every inch” sang Article Five territory sang NATO kag nagalaum sila nga mahangpan man sang Russia ini nga mensahe.
Nahibaluan nga indi kabahin sang alyansa sang NATO ang Ukraine. Sanday Sullivan kag Kirby ang naglunsay man nagsulit sang paandam sa mga Amerikado nga magbiya na subong sa ila nahamtangan sa Ukraine. ##
