Ginatinguhaan sang Gilas Pilipinas nga indi madula ang ila nga focus apisar nag-atras ang national team sang South Korea sa FIBA World Cup Asian qualifiers bangud sa health reasons.
Natalana kuntani nga atubangon sang Philippine men’s national basketball team ang Korea sini nga Pebrero 24 kag 28 sa Araneta Coliseum sa Quezon City.
Suno kay Gilas Pilipinas head coach Chot Reyes, isa ka sahi sang ‘unexpected developments’ ang pag-isol sang Korea sa hampang.
Apang gin-ako sini nga indi sila dapat magtutok sa bagay nga indi nila kontrolado.
Mensahe sang coach sa players, mag-focus lang sa ila training kag preparation kag maghanda kun ano man gid ang schedule sang palaabuton nga hampang.
