Nagapati si US President Joe Biden nga indi lang Ukraine ang tuyo sang Russia sang ginpatigayon sini ang full-scale invasion.
Ginpasibangdan ni Biden si Russian President Vladimir Putin nga may daku nga ambisyon nga amo ang pag-establisyar liwat sang former Soviet Union.
Sa iya speech sa White House, ginpahayag man ni Biden nga ang bag-o nga sanction nga iya gin-impose sa Russia.
Target sang sanctions ang apat ka bangko sang Russia nga may kabug-usan nga $1 trillion nga assets lakip na ang pinakadaku nga bangko sang Russia; buot silingon sini, ma-freeze ang ila assets sa Amerika.
Target man sang sanctions ang manggaranon nga mga Russians nga malapit gid mismo kay Putin.
Gin-anunsyo man sini nga may bag-o nga deployment sang pwersa kag air forces sa eastern flank sang NATO.
Gin-athag ni Biden nga ang ila deployment ang indi para sa away sa Ukraine kundi para pangapinan ang ila kaalyado sa NATO.
