ILOILO CITY- Masarangan mo bala nga peke-on ang imo pagbusong para lang nga maka-avail ikaw sang malawig nga maternity leave gikan sa imo trabaho?
Kun halos tanan, indi ang sabat, may isa ka babaye naman sa Georgia nga masarangan ini kag sa pagkamatuod, nahimo na niya gani.
Sang Oktubre 2020, si Robin Folsom, nga nagatrabaho bilang Director sang External Affairs sa Georgia Vocational Rehabilitation Agency, ang nagsiling sa iya boss nga manugbata ini gani nga nag-arrange siya nga mag -avail sang maternity leave.
Siya may yara sang yearly salary nga $100,000 kag entitled sa $15,000 nga paid leave.
Apang,sang tion sang iya alleged pregnancy, isa sa iya nga co-workers ang nakanotar nga ang baby bump ni Folsom ang nadula sa iya lawas kag nagduda sila nga peke ang iya pagbusong.
Mas nangin weird pa ang gin-alegar peke nga pagbun-ag ni Folsom sang nagapadala siya sa iya co-workers sang letrato sang iya baby apang lain-lain ang skintone sang bata gani mas labi sila nga nagduda.
Bangud diri, isa ka imbestigasyon ang ginpatigayon kag natukiban nga wala ini sang official records sa ospital tuhoy sa iya pagbata, wala man sang charges para sa iya prenatal exams sa iya medical insurance records apisar nga sang July 2020,gin-alegar sini nga nagbata man siya antes nagbusong liwat sang August 2021.
Kasunod sang imbestigasyon , nag-resign si Folsom sa iya trabaho apang siya ang ginpasakaan gid sang kaso.
Kun ma- convict, si Robin Folsom ang mahimo mangatubang sang tubtob 10 ka tuig nga pagkapreso bangud sa identity fraud kag paghimo sang false statements.
Mahimo man siya multahan sang tubtob $103,000 ukon masobra 5 million pesos kun mapamatud-an nga guilty sa tanan nga charges.
