Gin-revise sang PAGASA ang definition sang ‘super typhoon’ kag amo man ang sistema sini sa paghatag-abiso sa publiko may kaangtanan sa kabaskugon sang hangin nga dal-on sang mga tropical cyclones nga nagasulod sa pungsod.
Sa bag-o nga depinisyon sang state bureau, ginpahayag nga makabig nga ‘super typhoon’ ang bagyo nga may maximum sustained winds nga 185 kilometers per hour pasaka.
Antes sini, makabig nga super typhoon ang bagyo kun yara sa 220 kph ang kabaskugon sang hangin.
Ang bag-o nga definition sang PAGASA ang kaangay man sa super typhoon classification sang USA Joint Typhoon Warning Center.
Gin-introduce sang PAGASA ini nga kategorya sang 2015 agud nga mapreparahan ang posible nga halit nga dal-on sang bagyo kaangay sang Yolanda.
Matandaan nga masobra 7,360 ka tawo ang napatay kag nagkaladula sang naglaslas ang amo nga bagyo sang 2013.
Gin-amyendaran man sang PAGASA ang tropical cyclone wind signals.
Yari ang categories:
Tropical Depression
Less than 62 kilometers per hour maximum sustained winds
Highest wind signal: 1
Tropical Storm
62-88 kph maximum sustained winds
Highest wind signal: 2
Severe Tropical Storm
89-117 kph maximum sustained winds
Highest wind signal: 3
Typhoon
118-184 kph maximum sustained winds
Highest wind signal: 4
Super Typhoon
185 kph or higher maximum sustained winds
Highest wind signal: 5
Samtang, ginkakas naman ang mga pangalan sang mga bagyo nga Jolina, Maring, kag Odette. Umpisa sa 2025, ini nga mga bagyo ang pagatawgon na nga Jacinto, Mirasol, kag Opong.
Sanday Jolina, Maring,kag Odette ang tatlo sa ginakabig makahalalit nga bagyo nga naglaslas sa pilipinas sang 2021. ##
