ILOILO CITY- Magahatag sang konsiderasyon ang Public Safety and Transportation Management Office (PSTMO) sa mga traffic auxiliary sa mga dalanon sa syudad sa tunga sang tuman ka init nga panahon.
Sa interview sang Bombo Radyo kay Mr. Jeck Conlu, head sang PSTMO, iya ginpahayag nga bangud sa tuman nga tagiti sang init dala sang summer season, tugutan ang mga naga-duty nga traffic auxiliary nga makapahandong kun tama gid kainit ilabi na sa peak hours humalin alas dose tubtob alas-tres sa hapon.
Suno kay Conlu, ginaabisuhan man ang mga personnel nga magdala gid sang tubig sa duty agud ma-rehydrate kag malikawan ang heat stroke.
Dugang niya, kun maglain ang pamatyag sang mga traffic auxiliary, mas maayo nga magpahuway gid kag gilayon nga magpangayo sang medical assistance.
