ILOILO CITY- Nagsugod na ang pagpanagtag sang ikaduha nga hugnat sang fuel subsidy kasunod sang pag-lift sa suspension sini bangud sa ginpatuman nga Ban on Disbursement sang Commission on Elections(COMELEC).
Sa interview sang Bombo Radyo kay Mr. Raymundo Boyet Parcon, presidente sang Iloilo City Loop Alliance of Jeepney Owners and Drivers Association (ICLAJODA) kag chairman sang Western Visayas Transport Cooperative (WVTC), iya ginpahayag nga gin-abiso sang Land Transportation Franchising and Regulatory Board (LTFRB) Region 6 nga mahimo na magpadulong sa Land Bank of the Philippines ang mga operators agud mag-verify sang ila subsidy.
Suno kay Parcon, sa tion nga wala pa sang unod ang ila pasada card, ginaabisuhan ang mga recepients sang fuel subsidy nga magdala sang OR/CR sang salakyan, valid identification card kag orihinal nga prangkisa agud ma-release-an ang ila pasada card.
Gin-thag naman ni Parcons nga ang mga bag-o lang naka-apply sang pasada card ang indi pa malakip sa makabaton sang fuel subsidy subong.
