ILOILO CITY – Nagtunog pa ang huring-huring nga may relasyon sanday Janine Gutierrez kag ka-love team sini nga si Paulo Avelino.
Ini matapos man nga nag-post sa Instagram si Janine sang mga litrato nga kuha sa New York lakip na ang litraro ni Paulo nga nagatalikod.
Una na nga nag-post si Paulo sang mga litrato ni Janine kun sa diin, nagkomento ini sang emoji nga suitcase, heart kag smiley face.
Si Janine kag Paulo ang nagpadulong sa Estados Unidos para sa concert tour sa California kag nagpadulong sa New York agud nga magbakasyon.
Una na nga gin-ako ni Paulo nga nag-date na sila ni Janine sang una antes pa man ang apat ka tuig nga relasyon ni Janine sa host-dancer nga si Rayver Cruz nga nagbulagay man sang October 2021.
Si Paulo ang ulihi nga nagkarelasyon sa model nga si Jodie Terasek kag amay man sang una nga anak ni LJ Reyes.
