ILOILO CITY – Ginahanda na sang health authorities ang mga isolation facilities para sa posible pagsulod sang monkeypox sa Pilipinas.
Suno sa Department of Health (DOH), ang prayoridad sang Field Implementation and Coordination Team kag One Hospital Command Center (OHCC) amo nga ipasigurado ang compliance sang isolation facilities kag masunod ang mga requirements.
Santo sa guidelines sang DOH, ang Research Institute for Tropical Medicine amo ang mangin main isolation facility para sa suspect, probable kag kumpirmado nga monkeypox cases kadungan sang pag-activate sang Doors 1 kag 2 sang four-door alert system sang ahensya.
Ang door 1 amo ang implementasyon sang travel restrictions kag banning samtang ang door 2 amo ang screening, testing kag quarantine sa points of entry.
Ang mga regional isolation facilities ukon mga ospital nga amo ang naga-cater sang iban nga international points of entry ang mangin FICT kag OHCC.
Ang tanan naman nga government hospitals ang magahanda sang lugar para sa isolation kag treatment facilities sa tion nga ang Door 3 kag 4 ang i-activate.
Ang door 3 amo ang imnplementasyon sang Prevent-Detect-Isolate-Treat-Reintegrate strategies kag ang door 4 amo ang pagpabaskog sang health kag critical capacity kag systems.
Ang mga kaso ang gilayon nga i-isolate sa isa ka pribado nga hulot nga may negative air pressure tubtob nga ang signs and symptoms ang maresolbar.
Wala pa sang kaso sang Monkeypox sa pungsod apang suno sa DOH, ginapabaskog na ang screening sa mga border sang pungsod kag ginapasigurado nga ang mga surveillance systems ang aktibo nga naga-momnitor sang sitwasyon.
