ILOILO CITY – Ginkumpirma sang komedyante nga si Pokwang nga nagbulagay na sila sang aktor kag amay sang iya isa ka anak nga si Lee O’Brian.
Suno kay Pokwang, November 2021 pa sila nagbulagay.
Nangin maayo man suno kay Pokwang ang pag-utod na sang ila nga relasyon.
Wala sang third party nga involved kag padayon ang co-parenting nila kay Malia.
Welcome man si Lee sa ila puluy-an kag naga-updanay sila sa tagsa ka weekend agud nga magbisita kay Malia.
Ginlaslasan man sini ang mga bashers nga nagasiling nga karma na ang natabo.
Suno kay Pokwang, indi ini karma kag dapat nga indi mag-wish sang malain sa kapareho bangud ina ang sigurado nga may karma.
Dugang pa niya, ginatinluan lang sang Ginuo ang iya alagyan padulong sa insakto nga tawo kag sa mas madamo nga blessings nga nakapila na.
Una nga naggwa ang huring-huring sang ila pagbulagay matapos nga nanotisyahan sang netizens ang pag-ilis ni Pokwang sa brand name sang ila negosyo nga “Mamang Pokwang” halin sa “Pok-Lee.”
Natalana naman nga magbalik sa US si Lee.
