Iloilo City – Ginkalipay ni Iloilo City Mayor Jerry Treñas ang sunod-sunod nga madinalag-on nga operasyon sang kapulisan batok sa iligal nga droga.
Sa interview sang Bombo Radyo kay Treñas, iya ginpahayag nga nangin maayo ang nangin performance sang kapulisan sa pagpapas sang mga durugista sa syudad.
Suno sa alkalde, nagapakita ini nga seryoso ang mga pulis sa tagsa nila ka mga katungdanan kun sa diin makit-an nga nagapatrolya kag nagapatigayon sang checkpoint agud masiguro ang seguridad sa syudad.
Ginpahayag sang natungdan nga nakahanda ini nga maghatag sang suporta sa mga kapulisan sa tion nga kinahanglan.
Ginpanugyanan naman ni Treñas ang mga kapulisan nga kuntani nahimo lang nila ini sang una pa bangud madamo sa dapat baguhon sa sistema.
Magapatigayon naman sang pagsinapol sa masunod nga semana ang alkalde sa Iloilo City Police Office para sa ila assessment.
