Iloilo – Nagpatigayon sang hublag protesta ang mga progresibo nga grupo sa syudad sang Iloilo agud pamatukan ang pagpatuman sang jeepney modernization sa pungsod.
Sa interview sang Bombo Radyo kay Elmer Forro, Secretary General sang Bagong Alyansang Makabayan, iya ginpahayag nga madamo sang mga drivers kag operators nga labaw sa kagustuhan ukon napilitan lang sa pagsunod sa Jeepney Modernization Program.
Suno kay Forro, nadala lang sa pamahog ang mga ini kun sa diin mahimo nga kuhaon sang ila kooperatiba ang tagsa nila ka mga lisensya sa tion nga mag-intra ang mga ini sa protesta.
Ginpahayag dugang sang natungdan nga nagpirma ini sang petisyon nga ipadala sa Malacañang agud ipalab-ot sa mga senador ang sentimyento sang mga drivers nga hugot nga nagadumili sa pag-phase out sang mga public utility jeepneys.
Samtang, ginalauman sa masunod nga mga inadlaw ang pagpabakod sang gintingob nga pwersa sang mga progressive groups sa pagpamatok sang jeepney phaseout.
