Iloilo – Nakatutok ang Iloilo Provincial Veterinarian Office sa pagpabakuna sang mga layaw nga ido sa probinsya.
Ini matapos nga nangin problema ang mga layaw nga ido nga wala nabakunahan nga posible mangin carrier sang rabies.
Sa interview sang Bombo Radyo kay Dr. Darel Tabuada, Provincial Veterinarian, iya ginpahayag nga prayoridad sini ang pagpatigayon sang mass dog vaccination.
Suno kay Tabuada, kinahanglan nga mapapas ang numero sang mga layaw nga ido sa probinsya.
Nahibaluan nga nag-procure ang provincial government sang P8 million nga balor sang rabies vaccine sa pagpabakuna sang 70 percent sang populasyon sang ido sa probinsya.
