Iloilo – Ginatinguhaan sang Iloilo Provincial Government ang groundwork agud mapauswag ang suplay sang baboy, manok kag isda apisar sang pamahog nga tuga sang African swine fever.
Ini matapos nga narekord sang opisina ang P1Billion nga kapyerdehan sang hog industry sa probinsya.
Sa interview sang Bombo Radyo kay Iloilo Governor Arthur Defensor Jr., iya ginpahayag nga ang 45% loss sang probinsya ang ginlakipan sang pagpamatay sang mga nagpositibo nga baboy.
Suno sa gobernador, yara na sa proseso sang recovery ang probinsya pinaagi sa paghatag sang nagakaigo nga assistance sa mga hograisers.
Sa datos sang Provincial Veterinarian, 23 ka mga kabanwahanan sa Probinsya sang Iloilo ang apektado sang African swine fever.
