Iloilo – Ginpamatud-an sang isa ka bataon nga iloy nga indi upang ang pag-angkon sang handom sa kabuhi apisar nga nakaangkon ini sang anak sang wala pa siya nakatapos sa pag-eskwela.
Sa interview sang Bombo Radyo kay Ann Margaret Tanteo nga isa na subong ka licensed medical technologist, iya ginpahayag nga yara pa lang ini sa tunga -tunga sang iya pag-eskwela sa kolehiyo sang siya ang nagbusong rason nga nag-untat ini sa pagtuon.
Apang sang nakabata na, nagdesisyon siya nga padayunon ang pag-eskwela.
Naeksperyensiyahan niya nga mag-eskwela dala ang ang iya anak mangin sa sulod sang classroom kag nahangpan man ini sang iya mga classmates kag manunudlo.
Ginpahayag sang natungdan nga bangud sa pagseat-in sang iya anak, natun-an man sang bata ang pag-drawing sang red blood cells kun sa diin handom man sini nga mangin isa man ka medical technologist ukon doktor sa pila ka adlaw.
Para kay Tanteo, dako nga parte sang iya kabuhi ang iya anak bangud nangin tsansa niya ini nga mapamatud-an kun ano ang iya balor bilang babaye.
