ILOILO CITY – Magabulos bilang captain sang France si Kylian Mbappe kasunod sang pagpanaog ni Hugo Lloris matapos ang kapyerdehan sang grupo batuk sa Argentina sa World Cup final.
Suno sa report, ginbaton sang 24 anyos nga Paris Saint-Germain forward ang role matapos ang discussion upod sa ila coach nga si Didier Deschamps.
Ang una niya nga hampang bilang captain ang patigayunon sa Byernes sa Euro 2024 qualifier batuk sa Netherland sa Stade de France nga amo ang pinakauna nga match sang grupo matapos ang kapyerdehan sa World Cup sa Doha.
Ang 36 anyos nga si Lloris ang nag-retire na sa iya international career sang nagligad nga Enero.
Siya ang nangin skipper sa sulod sang masobra isa ka dekada.
Si Mbappe naman nga naka-score sang hat-trick sa World Cup ang ginbati-bati nga mangin masunod nga captain sang nagliligad nga mga semana.
Sang 2018 sang nangin kabahin sang Les Bleus si Mbappe nga nagbulig sa kadalag-an sang grupo.
Ang Paris-born former Monaco player ang vice-captain sa Paris Saint-Germain F.C.
Siya ang naka-score sang 19 goals sa 24 Ligue 1 matches subong nga season kag nag-contribute sang pito ka mga goals sa Paris Saint-Germain sa Champions League.
Ang France ang gin-grupo upod sa Dutch, the Republic of Ireland, Greece kag Gibraltar sa qualifying group sa Euro 2024 nga hiwaton sa Germany.
