ILOILO CITY – All set na si Binibining Pilipinas International 2022 Nicole Borromeo para sa Miss International 2023 competition!
Sang damlag lang, gin-introduce sang Miss International organization ang mga kandidata para sa 2023 pageant kag lakip diri ang picture ni Nicole.
Suno sa organizers, si Nicole nga ginkoronahan sang 2022 ang maga-compete para sa 2023 edition.
Nahibaluan nga si Hannah Arnold nga ginkoronahan bilang Binibining Pilipinas International sang July 2021 ang nag-represent sang pungsod sa 2022 pageant kag nagtapos bilang kabahin sang top 15.
Ang 2020 kag 2021 editions sang Miss International ang gin-cancel bangud sang Coronavirus Disease 2019 pandemic.
Ang coronation night para sa Miss International 2023 ang hiwaton sa October 26 sa Tokyo, Japan.
Si Jasmin Selberg sang Germany ang magapasa sang korona.
Samtang, tinguha-an ni Nicole nga makuha ang ikapito na nga Miss International crown sa pungsod.
