ILOILO – Gin-anunsyo ni Iloilo Governor Arthur “Toto” Defensor Jr. nga maga-hire ang probinsya sang 300 ka mga manunudlo nga nagakinahanglan sang trabaho.
Nahibaluan nga i-assign ang mga manunudlo sa mga pampubliko nga mga eskwelahan sa elementarya kag sekondarya sang probinsya.
Sa interview sang Bombo Radyo kay Governor Defensor, iya ginpahayag nga mahimo nga magpasa sang application ang mga interesado nga applicants tubtob sa Abril 24, 2023.
Suno sa gobernador, magabaton sang P10,000 nga allowance kada bulan ang mga na-hire nga mga manunudlo nagikan sa Provincial School Board.
Samtang, yari naman ang masunod nga mga requirements:
- Application letter
- Personal data sheet (CSC Form)
- Certificate of residency issue by the Punong Barangay where applicant resides
- photocopy of PRC ID
- Certification from DepEd that the applicant is among those on the registered qualified applicants
Ang interested applicants ang maga-submit sang ila application letter Provincial School Board Secretariat at the Office of the Governor.
Nahibaluan nga magluwasb sa pagtanyag sang trabaho sa mga manunudlo, madugang man ang probinsya sang classrooms, teen centers, school facilities kag learning facilities.
Ang nasambit nga programa ang kabahin sang bulig sang Iloilo Provincial Government para sa mga eskwelahan sa probinsya.
