ILOILO CITY – Nagpanawagan si House Committee on Ways and Means Panel Chairperson Joey Salceda kay Presidente Ferdinand “Bongbong” Marcos Jr. nga panubuon ang presyo sang kada unit sang modern jeepneys sang P600,000 tubtob P1 Million halin sa orihinal sini nga presyo nga P2 Million.
Suno kay Salceda, nagakadapat nga siguraduhon sang gobyerno nga ang domestic jeepney manufacturing sector ang isa ka option para sa Public Utility Vehicle modernization program kag makabulig sa paghatag sang barato, moderno kag efficient nga mga units.
Ginpahayag dugang sang natungdan nga pinaagi sa pagkuha sang mga local manufacturers, ini ang magaresulta sang return of investment sa sulod sang pito ka tuig.
Para kay Salceda, ang pagdugang sa pag-sideline sang mga domestic manufacturers ang ginalauman nga magatuga sang problema sa ulihi bangud nga sa tion nga magmahal ang “modern” jeepneys kag indi na magamit, indi na magpadayon ang mga operators bangud nga wala pa sila nakabawi sang ila gingasto.
